ننشر أقوال عشيق المتهمة بإجهاض جنينها داخل عيادة دكتور شهير بالجيزة| خاص

حصل موقع “الفجر” على أقوال عشيق المتهمة بإجهاض جنينها بمساعدة دكتور شهير داخل عيادته بالجيزة، وذلك على خلفية التحقيقات في القضية رقم 264  لسنة 2024 جنايات الجيزة.

جاءت أقوال عشيق المتهمة “سعد على” 20 سنة في تحقيقات النيابة العامة كالتالي: 

س: ما معلوماتك بشأن الواقعة محل التحقيق ؟ 

اللي حصل ان انا اتعرفت علي نورا من نحو 3 سنوات في يناير 2020 علي الفيس بوك، وخدت رقم موبيلها وارتباطنا ببعض فتره، وبعدها وبعد كده سبنا بعض، علشان حصلت مشاكل عندي،وبعدها انا خطبت وفسخت الخطوبة ورجعنا تاني لبعض، وبدأنا نتكلم مع بعض في سنة ۲۰۲۲ في شهر واحد يناير وارتباطنا ببعض تاني، والعلاقة اتطورت بينا واتفقنا وبقيت تجيلي ونخرج مع بعض، واتفقت انا وهي في اول شهر ابريل السنادي تجيلي البيت عشان انا امي واخواتي بعد وفاه ابويا راحو قعدو في الشقه اللي في   ساقية مكي الجيزة.

واستكمل عشيق المتهمة: نورا جتلي البيت اللي في العمرانية، واتكلمنا مع بعض وقعدنا في الأوضة، وحصلت علاقة غير شرعية بينا، وكررنا الامر اكثر من مرة، وفي مره كانت على سلم العماره عشان كانت امي في الشقة واخر مره عملت فيها الكلام ده معاها كان في اخر شهر مايو، وهي كانت موافقة عشان هي بتحبني وانا بحبها وبعد كده لقيت واحد صحبي بيقولي أن نورا بتكلم حد ثاني اسمو مروان فانا كلمتها وقولتلها انتي بتكلمي حد تاني وانا بكلمك وحذفتها من الموبيل وعملتلها حظر، والكلام ده كان في اول شهر ٦، ومن ساعتها انا معرفش عنها حاجة خالص لغاية اول امبارح  بليل وانا قاعد في الشقة، كلمني خالي وقالي تعالا عند المعرض بتاعه اللي علي اول الشارع نزلت روحتله لقيت معاه ضابط هناك، ولقيت خالي بيقولي روح معاه شوفه عايزك في ايه، ولما روحت هناك القسم عرفت الموضوع ان بيقولو ان نورا كانت حامل مني وهي اصلا مقالتليش حاجه عن الموضوع ده راحت لدكتور ونزلت اللي في بطنها وحطوه في كيس ورموه في الزباله وانا معرفش حاجه عن الكلام كله وجيت انهارده علي هنا.

س: متى واين نشات العلاقة فيما بينكما؟

من نحو ٣ سنوات وسبتها ورجعت في سنه ۲۰۲۲ في شهر 1 رجعنا كلمنا بعض تاني وارتباطنا.

س وماهي طبيعة تلك العلاقة تحديدا؟

ج هي كانت علاقة حب وارتباطنا ببعض.

س: والي اي مدى تطورت تلك العلاقة؟

هي اتطورت اننا بنحب بعض وعايزين بعض بس ظروفي ساعتها مكنتش تسمح بكده.

س: وهل من ثمة اتفاق دار فيما بينكم ؟

ايوه.

س: وما هو مضمون ذلك الاتفاق؟

اتفقنا إنه ا تجيلي البيت بتاعي اللي في العمرانية.

س: وهل وافقت المدعوه نورا اسامه حمدان محمد علي ذلك ؟

أيوه وافقت.

س: كم كان عمر سالفه الذكر أنذاك ؟

هي كان عندها ١٨ سنة وشوية.

س: ومتي كان حضورها لك بالمسكن محل الواقعة؟

هي جات في اول شهر اربعة انا مش فاكر امتي بالضبط في الشقة بتاعتي اللي في العمرانية.
 

أحالت النيابة العامة بالجيزة طبيب نساء وتوليد شهير بالجيزة، إلى المحاكمة الجنائية، بتهمة تحويل عيادته إلى وكر لإجراء عمليات الإجهاض، وذلك علي خلفية التحقيقات في القضية رقم  264 لسنة 2024 جنايات قسم الجيزة.

وجاء في أمر الإحالة في القضية، أن المتهمين في القضية هم “صبحي ع. س. ج. – 74 سنة – طبيب نساء وتوليد، ونورا أ. ح. – 18 سنة – طالبة، وسمر ج. ع. – 37 سنة – عاطلة، ومحمود أ. ح. – 25 سنة – عاطل”.

وتضمن أمر الإحالة أن المتهم الأول حال كونه طبيبا حول عيادته إلي وكرا لإجراء عمليات الإجهاض غير المشروعة، واجري للمتهمة الثانية بأن استعمل وسائل مؤدية إلى ذلك، فأجرى جراحة لسحب الجنين محل حمل الأخيرة، والتي أدت إلى إجهاضها، وكان ذلك برضائها.

وجهت النيابة العامة للمتهمة الثانية، تهمة إسقاط الجنين بمساعدة  المتهم الأول الذي استعمل الوسائل التي تسبب عنها إسقاطها.

ووجهت إلى المتهمة الثالثة تهمة أنها اشتركت بطريقي الاتفاق والمساعدة مع المتهمة الثانية في ارتكاب الجريمة، وذلك بأن اصطحبت الأخيرة للمتهم الأول وسددت له مبلغا نقديا، فوقعت الجريمة بناء على ذلك الاتفاق وتلك المساعدة.

كما وجهت إلى المتهمين من الثانية وحتى الرابع تهمة أنهم أخفوا جثة متوفية دون إخطار جهات الاختصاص وقبل الكشف عليها وتحقيق حالة الموت وأسبابه.