عقب الإعلامي عمرو أديب، على انضمام محمد صلاح لمعسكر المنتخب الوطني، قائلا: “صلاح سلم نفسه للمنتخب، ولذاذة الناس على السوشيال ميديا اشتغلت بتاعة بشعر ومن غير شعر”.
انضمام صلاح لمنتخب مصر
وأضاف أديب، خلال برنامج “الحكاية” المذاع عبر فضائية “إم بي سي مصر”، مساء السبت، “إحنا في ظرف 10 أيام يا نوصل لكأس العالم يا منوصلش.. سيبوا الناس تركز”، مضيفا: “مش عايزين نقلبها محزنة ونمشي حسام حسن.. في عرضكم نخلص الماتشات واعملوا اللي انتم عايزينه”.
وتابع، “اصبروا كام يوم لازم نقف خلف منتخبنا المصري، الموضوع مش محتاج هري، ده المدرب وده الكابتن.. بطلب الصيام عن الهبد والهري حتى نصل لكأس العالم”.
